XORNADAS CO CLUB BALONMÁN CULLEREDO

Os días 26 e 27 de setembro, os nenos e nenas de 3º, 4º 5º e 6º de Educación Primaria do centro están a ter unhas xornadas de coñecemento do deporte do balonmán da man de monitores titulados e adestradores do Club Balonmán Culleredo. Con estas actividades pretendemos ir achegando ao alumnado aos diferentes clubes deportivos do Concello e, de paso, animar ao noso alumnado a que, ademais de facelo no centro e nas actividades extraescolares, tamén fagan deporte e actividade física fóra do centro. Podedes ver unhas fotos da actividade a continuación.

 

NOVO CURSO, NOVAS ILUSIÓNS

O noso proxecto de vida activa, saudable e deportiva comeza o seu segundo curso, con novos folgos e ilusións por desenvolver diversas actuacións que axuden a que o noso alumnado interiorice e leve á práctica diversas actividades que contribúan, de xeito global, ao seu desenvolvemento persoal e social, tratando de mellorar a súa saúde a través da actividade física e a alimentación saudable.

COMEZAMOS!!!!