Con motivo da celebración do Día de Rosalía (o 23 de febreiro), fixemos unha actividade co alumnado de 5º de Primaria que combinaba a actividade de Orientación e a conmemoración para coñecer a vida e obra da autora galega máis universal. Aproveitamos o circuíto de Orientación que temos instalado no centro para que o alumnado buscase as balizas (nas que había preguntas sobre Rosalía de Castro) e tratase de atopar a información precisa para respostar a ditas preguntas. A continuación podedes ver unhas fotos da xornada.
